დემოკრატიის პრინციპები

დემოკრატია მხოლოდ მმართველობის ფორმა არ არის — ეს არის ცხოვრების წესი, რომელიც ეფუძნება ადამიანის ღირსების, თავისუფლებისა და თანასწორობის პატივისცემას. დემოკრატიულ საზოგადოებაში თითოეულ მოქალაქეს აქვს უფლება, გამოხატოს საკუთარი აზრი, მონაწილეობა მიიღოს გადაწყვეტილებების მიღების პროცესში და გავლენა მოახდინოს საზოგადოებრივ ცხოვრებაზე.

დემოკრატიის საფუძველს წარმოადგენს ადამიანის უფლებების დაცვა, კანონის უზენაესობა, თანასწორობა, სამართლიანობა, ტოლერანტობა და მოქალაქეთა აქტიური მონაწილეობა. ამ პრინციპების დაცვა ხელს უწყობს მშვიდობიანი, უსაფრთხო და სამართლიანი საზოგადოების განვითარებას, სადაც ყველა ადამიანი თანაბარი შესაძლებლობებით სარგებლობს და პასუხისმგებლობას იზიარებს საერთო კეთილდღეობისთვის.

დემოკრატია გვასწავლის, რომ განსხვავებული აზრი საფრთხე კი არა, განვითარების შესაძლებლობაა. სწორედ ურთიერთპატივისცემა, თანამშრომლობა და სამოქალაქო პასუხისმგებლობა ქმნის ძლიერ სახელმწიფოსა და აქტიურ საზოგადოებას. დემოკრატიული ღირებულებების დაცვა თითოეული მოქალაქის ყოველდღიური მოვალეობაა, რადგან დემოკრატია იწყება ჩვენგან. ადამიანის უფლებების პატივისცემა, სამოქალაქო მონაწილეობა და დემოკრატიული პრინციპების გათავისება მოქალაქეობის სწავლების ერთ-ერთი უმნიშვნელოვანესი მიზანია.

 

Read More

🚫 ბულინგი – ძალადობა

🔹 ფიზიკური ბულინგი – სხეულის დაზიანება ან ძალის გამოყენება, როგორიცაა დარტყმა, ხელის კვრა, ნივთების წართმევა ან დაზიანება.

🔹 ფსიქოლოგიური ბულინგი – დამცირება, დაცინვა, შეურაცხყოფა, დაშინება, იზოლირება და ისეთი ქმედებები, რომლებიც ადამიანს ემოციურ ტკივილს აყენებს.

🔹 კიბერბულინგი – ბულინგი ინტერნეტისა და სოციალური ქსელების საშუალებით. მოიცავს შეურაცხმყოფელი შეტყობინებების გაგზავნას, ცრუ ინფორმაციის გავრცელებას, დაცინვასა და მუქარას ონლაინ სივრცეში.

🔹 მობინგი – პირის მიმართ სისტემატური ფსიქოლოგიური ზეწოლა ჯგუფის ან კოლექტივის მხრიდან, რაც მიზნად ისახავს მის დამცირებას, გარიყვას ან თვითშეფასების შელახვას.

✋ გახსოვდეს!

ბულინგი არასოდეს არის ხუმრობა.

პატივისცემა, თანაგრძნობა და მხარდაჭერა ქმნის უსაფრთხო და მეგობრულ გარემოს ყველასთვის.

 

Read More

სკოლაში არის ის, რასაც ყოველდღე ვხედავთ — წესები, გაკვეთილები, ქცევა, ღონისძიებები.
მაგრამ, როგორც აისბერგს, სასკოლო კულტურასაც აქვს უხილავი ნაწილი.

აისბერგის ქვედა, უხილავ ნაწილშია:
ურთიერთპატივისცემა, ღირებულებები, დამოკიდებულებები, ემოციები და ერთმანეთის მხარდაჭერა.
ეს ნაწილი განსაზღვრავს, როგორი გარემოა სკოლაში სინამდვილეში.

კარგი სასკოლო კულტურა იწყება არა მხოლოდ წესებით,
არამედ იმით, როგორ ვეპყრობით ერთმანეთს ყოველდღიურად.

 

Read More

 სასკოლო პროექტი არის მოსწავლეთა მიერ დაგეგმილი და განხორციელებული საქმიანობა, რომელიც მიზნად ისახავს რეალური პრობლემის გააზრებასა და მისი გადაჭრის გზების მოძიებას. პროექტზე მუშაობა ავითარებს პასუხისმგებლობას, თანამშრომლობას და აქტიურ მოქალაქეობრივ პოზიციას.

Read More

 

თემა: ლიდერობის კულტურა და ეთიკა (VII კლასი)

ლიდერობა არის უნარი, გავლენა მოახდინო ადამიანებზე ისე, რომ ისინი სურვილით და არა იძულებით ჩაერთონ საერთო მიზნის მიღწევაში. ლიდერი არ არის მხოლოდ ის ადამიანი, ვინც ჯგუფში ყველაზე ხმამაღლა ლაპარაკობს ან ყველას ეუბნება, რა გააკეთონ. ნამდვილი ლიდერი ის არის, ვინც მაგალითით აჩვენებს სწორ ქცევას და სხვებსაც შთააგონებს.

ლიდერობის კულტურა მოიცავს იმ ღირებულებებსა და ნორმებს, რომლებიც ლიდერის ქცევას განსაზღვრავს. ასეთი ღირებულებებია ურთიერთპატივისცემა, თანამშრომლობა, პასუხისმგებლობა და ტოლერანტობა. კულტურული ლიდერი უსმენს სხვებს, ითვალისწინებს განსხვავებულ აზრებს და ცდილობს, ყველა წევრი ჩართოს გადაწყვეტილების მიღების პროცესში.

ლიდერი ყოველთვის ახდენს გავლენას ჯგუფზე. სწორედ ამიტომ მნიშვნელოვანია, რომ მისი ქცევა იყოს ეთიკური. ლიდერობის ეთიკა ნიშნავს სამართლიანობას, პატიოსნებასა და პასუხისმგებლობას. ეთიკური ლიდერი არ იყენებს საკუთარ ძალაუფლებას პირადი სარგებლისთვის და არასდროს ამცირებს სხვებს.

ეთიკური ლიდერი:

• პატივს სცემს თითოეული ადამიანის ღირსებას

• იცავს წესებს და სამართლიანობას

• იღებს პასუხისმგებლობას საკუთარ გადაწყვეტილებებზე

• მზად არის აღიაროს შეცდომები და გამოასწოროს ისინი

• ფიქრობს, როგორ აისახება მისი ქმედება სხვებზე

ლიდერობა შესაძლებელია სხვადასხვა სიტუაციაში. ლიდერი შეიძლება იყოს კლასის თვითმმართველობის წევრი, ჯგუფური სამუშაოს კოორდინატორი ან უბრალოდ მოსწავლე, რომელიც სხვებს ეხმარება. ლიდერობა არ არის თანამდებობა — ეს არის ქცევა და დამოკიდებულება.

მნიშვნელოვანია, რომ ლიდერმა შექმნას უსაფრთხო და მეგობრული გარემო, სადაც თითოეული ადამიანი თავს დაფასებულად გრძნობს. ასეთი გარემო ხელს უწყობს თანამშრომლობას, ურთიერთნდობას და საერთო წარმატებას.

ლიდერობის კულტურა და ეთიკა მჭიდროდ არის ერთმანეთთან დაკავშირებული. კულტურული ლიდერი ვერ იქნება არაეთიკური, ხოლო ეთიკური ლიდერი ყოველთვის ცდილობს, იყოს სამართლიანი და პასუხისმგებლიანი. ასეთი ლიდერი მაგალითს აძლევს სხვებს და ხელს უწყობს პოზიტიური სასკოლო კულტურის ჩამოყალიბებას.

ლიდერობა იწყება ყოველდღიური მცირე ნაბიჯებით: სხვისი მოსმენით, დახმარებით, სამართლიანი გადაწყვეტილებით და პასუხისმგებლობის აღებით. სწორედ ამ ქცევებით ყალიბდება ნამდვილი ლიდერი.

ლიდერობა ნიშნავს არა ძალაუფლებას, არამედ ზრუნვას სხვებზე და საერთო სიკეთისთვის მოქმედებას.

Read More

 

Read More

 

Read More

 

Read More

 ტოლერანტობა ნიშნავს სხვისი განსხვავებულობის, აზრის, რწმენის, კულტურის ან ცხოვრების სტილის პატივისცემას. ეს არის უნარი გვესმოდეს, რომ ყველა ადამიანი უნიკალურია და აქვს საკუთარი შეხედულებები, გრძნობები და არჩევანი. ტოლერანტობა მოიცავს სხვა ადამიანების მოსმენას, მათთან მშვიდობიან ურთიერთობას, შეურაცხყოფის ან ძალადობისგან თავის შეკავებას და მზადყოფნას თანადგომისა და დახმარებისთვის. ტოლერანტი ადამიანი ცდილობს სჯამი, წინასწარი განსჯის ან სტერეოტიპების გარეშე აღიქვას სხვები და შექმნას გარემო, სადაც ყველას უფლებები დაცულია და თითოეულ ადამიანს პატივი ენიჭება.

Read More

Read More

ხელისუფლების დანაწილება

Read More

დემოკრატიის პრინციპები

Read More

#კონკურსი მასწავლებლებისა და სკოლებისთვის „ფინედუს კუთხე სკოლის ბიბლიოთეკაში“ დასრულებულია და გამარჯვებულებიც ცნობილია! 🚀🎉 კონკურსი 23 აპრილს, წიგნის საერთაშორისო დღეს გამოცხადდა და ნამუშევრების მიღება 23 მაისის ჩათვლით მიმდინარეობდა ⏳🗓 კონკურსის მიზნად ისახავდა რეგიონის სასკოლო სივრცეებში ფინანსური განათლების თემებზე დისკუსიის წახალისებასა და მოსწავლე ახალგაზრდობის სეგმენტში ფინანსური განათლების საკითხების სწავლის პროცესის ეფექტიანობის ზრდას 🚀📊 სასიხარულოა, რომ კონკრუსში 60-ზე მეტი მასწავლებელი ჩაერთო და გამარჯვებულები გამოვლინდნენ საქართველოს რეგიონების 7 ქალაქსა და 9 სოფლში 📣🧑‍🏫

Read More